Nefndir Stúdentaráðs eru í leit að sínum fimmta meðlim til að ganga til liðs við sig. Um er að ræða alþjóðanefnd, félagslífs- og menningarnefnd, jafnréttisnefnd, fjölskyldunefnd, umhverfis- og samgöngunefnd, lagabreytinganefnd og fjármála- og atvinnulífsnefnd.
Í umsókninni skal taka fram stutta kynningu á umsækjanda og fyrri reynslu sem gæti nýst í nefndinni, námsleið og hvers vegna umsækjandi telur sig eiga heima í nefndinni. Umsóknir skulu berast á netfangið shi@hi.is. Umsóknarfrestur er til og með 1. október.
Hér að neðan má sjá yfirlit yfir starfsemi nefndanna:
- Félagslífs- og menningarnefnd
Verkefni nefndarinnar eru margvísleg en hún sér um skipulagningu, framkvæmd og utanumhald á hinum ýmsu viðburðum innan Háskóla Íslands, t.d. viðburði í tengslum við Októberfest SHÍ, Fyndnasta háskólanemann og Partybingó. Nefndin leggur mikið upp úr því að gleðja samstúdenta, með góðum móral og samheldni stúdenta HÍ.
Umsóknarfrestur er til og með 1. október
Jafnréttisnefnd stendur vörð um jafnréttismál innan Háskóla Íslands og er óhrædd að styðja við þá nemendur sem verða fyrir fordómum, áreiti og mismunun. Saman þrýstir nefndin á að jafnréttisáætlun Háskóla Íslands sé fylgt eftir og hvetur háskólann til að gera betur þar sem þörf krefur.
Umsóknarfrestur er til og með 1. október
- Fjármála- og atvinnulífsnefnd
Nefndin tekur til meðferðar atvinnumál stúdenta auk tengsla þeirra við atvinnulífið. Markmið nefndarinnar er að skapa mikilvæga tengingu stúdenta við atvinnulífið, tengingu sem helst til framtíðar.
Umsóknarfrestur er til og með 1. október
Lagabreytinganefnd SHÍ gætir þess að lagabreytingatillögur stúdentaráðsliða séu í samræmi við heildarendurskoðun.
Umsóknarfrestur er til og með 1. október
Alþjóðanefnd tekur til meðferðar mál er varða hagsmuni erlendra stúdenta við HÍ og mál íslenskra stúdenta erlendis. Hún heldur einnig utan um tengiliðaverkefni sem gefur íslenskum nemendum og erlendum skiptinemum færi á að kynnast. Nefndin vinnur í samstarfi við skrifstofu alþjóðasamskipta Háskóla Íslands.
Umsóknarfrestur er til og með 1. október
- Umhverfis- og samgöngunefnd
Umhverfis- og samgöngunefnd Stúdentaráðs sinnir umhverfismálum samanber endurvinnslu, sjálfbærnisstefnu Háskóla Íslands, samgöngumálum og skipulagsmálum tengdum háskólasvæðinu og byggingum FS. Nefndin hefur það að markmiði að auka umhverfisvitund stúdenta með ýmsum viðburðum innan háskólans.
Umsóknarfrestur er til og með 1. október
Fjölskyldunefnd vinnur að almennri hagsmunabaráttu fjölskyldufólks við HÍ og markmið nefndarinnar er að styðja sem best við stúdenta sem eiga börn svo þau geti sinnt bæði námi og fjölskyldulífi. Nefndin skipuleggur fjölmarga fjölskylduvæna viðburði, svo sem fyrirlestra og Fjölskyldudag SHÍ svo eitthvað sé nefnt.
Umsóknarfrestur er til og með 1. október
